सानैमा बाउले आफ्नो नामको अन्त्यमा क्षेत्री राखिदिए । हुर्किंदै जाँदा थाहा भयो म त क्षेत्री होइन । नत बाहुन नै हुँ । उपाध्याय बाहुन हजुरबुवाले बर्मा गएका बेला राम्री देखेर मेरी क्षेत्रीनी हजुरआमालाई विवाह गरेकोले मेरा बाबु क्षेत्री बने र हामी सबै पुस्ता क्षेत्री नै बन्यौं । स्थानीय भाषामा बाहुनबाट खसेर बनेका खस जाती अरे । खसेपछि हाम्रो सामाजिक स्तर पनि एक तह तल हुने नै भयो । क्षेत्रीनी बिवाह गरेर आधा दर्जन छोराछोरी पाइसकेपछि पनि हजुरबुवाले मेरी हजुरआमाले पकाएको खानुभएन । दुइवटी श्रीमतीको धनी भएको र अर्की हजुरआमा बाहुनी भएको कारणले उहाँले कहिल्यै आफैंले पकाएर पनि खानुपरेन ।
यो विभाजन मेरो परिवारमा अहिले तेस्रो पुस्तामा छ र अझै पनि अर्की हजुरआमातर्फबाट जन्मेका दाजुभाइसँग मैले सँगै खाना खाँदा कसैलाई अप्ठ्यारो लाग्दछ । यो दलितहरुको जस्तै अवस्था हो भन्न त सक्दिन, तर सारा संसारबाट नै यसरी प्रताडित हुँदा, थिचिँदा, पिसिँदा उनीहरुले अनुभव गर्ने पीडा कति भयावह हुन्छ होला भन्ने एकछेउ अनुमानचाहिँ म गर्न सक्थेँ ।
यसरी भन्दा म बाहुनभित्रको दलित थिएँ ।
मे ८ का दिन ट्वीटरमा नेपालीहरुबिच संघीयताको पक्ष र विपक्षमा महत्वपुर्ण बहस भयो । संघीयताको पक्ष र विपक्ष दुवैतर्फ जबर्जस्त तर्कहरु छन् । केही तर्कहरु यहाँ साभार गरिएका छन् । यसले के देखाउँछ भने संघीयताबारे राम्रोसँग जनतालाई बुझाउन र बिश्वासमा लिन नेताहरुले सकेका छैनन् । थप बहस जरुरी छ । यो बहसमा भाग लिने सबैलाई धन्यवाद ।
संघीयताबारे तर्क वितर्क
